Friday, January 22

सशस्त्रका २८ खेलाडीसहित ३६ जनामा काेराेना सङ्क्रमण

August 21, 2020 136

काठमाण्डाै – काठमाण्डौ र भक्तपुरमा कार्यरत ३६ जना सशस्त्र प्रहरीमा कोरोना भाइरसकाे सङ्क्रमण पुष्टि भएको छ ।

भक्तपुरको दुवाकोटमा रहेको गुह्येश्वरी गणका २० जना र नीलवाराही गण कीर्तिपुरका १६ जना सशस्त्र प्रहरीमा कोरोनाकाे सङ्क्रमण देखिएको सशस्त्र प्रहरीका प्रवक्ता, प्रहरी नायब महानिरीक्षक (डीआईजी) राजु अर्यालले जानकारी दिनुभयो ।

उनीहरु सीमा क्षेत्र सिल गर्ने क्रममा तराईका विभिन्न जिल्लामा खटिएर फर्किएका रहेकाे उहाँले बताउनुभयो । उनीहरुमध्ये २८ जना खेलाडी रहेका पनि प्रवक्ता अर्यालले जानकारी दिनुभयो ।

नेपालमा काेराेना भाइरसकाे जाेखिम बढ्दै जाँदा सर्वसाधारणसँगै विभिन्न कार्यालयका कर्मचारीमा पनि काेराेना भाइरसकाे सङ्क्रमण देखिने क्रम बढेकाे छ ।

प्रतिकृया दिनुहोस्