Saturday, January 23

भर्खरै सकियो नेकपा सचिवालय बैठकः भए यस्ता निर्णय, नेता कार्यकर्तामा खुसीयाली 

August 17, 2020 317

सत्तारुढ दल नेपाल कम्युनिष्ट पार्टीको सचिवालय बैठक सकिएको छ । सोमबार बिहान प्रधानमन्त्री निवास बालुवाटारमा बसेका बैठकले दुई अध्यक्ष केपी ओली र पुष्पकमल दाहाल प्रचण्डले गठन गरेको कार्यदललाई अनुमोदन गरेको प्रवक्ता नारायणकाजी श्रेष्ठले जानकारी दिए।

पार्टीमा देखा परेको समस्या समाधान गर्न, संकटको निकासका लागि भइरहेको छलफललाई व्यवस्थित ढंगले टुंगोमा पु¥याउने निर्णय बैठकमा भएको श्रेष्ठले बताए। ‘दुई अध्यक्षले पार्टीको विवाद समाधानका लागि कार्यदल गठन गरी लिएको पहललाई बैठकले सकारात्मकरुपमा लिँदै त्यसको निम्ति धन्यवाद दिएको छ ।’ श्रेष्ठले भने।  पार्टी र राष्ट्रमा देखा परेका समस्या समाधानको कार्यभारलाई पूरा गर्न पार्टी र सरकार सक्षम हुने गरी गर्नुपर्ने कामहरुका बारेमा सुझाव दिन कार्यदल सक्षम हुनेछ  भन्ने आशा सचिवालयले लिएको प्रवक्ता श्रेष्ठले बताए।

बैठकमा कार्यदललाई प्रभावकारी काम गर्न भन्दै उत्साही ढंगले उपयुक्त सुझाव आएको श्रेष्ठले जानकारी दिए । कार्यदलको म्याद नतोकिए पनि छिटोभन्दा छिटो काम सक्न भनिएको उनको भनाइ छ।

‘छिटोभन्दा छिटो सकारात्मक ढंगले विवाद समाधान हुने, पार्टी एक ढिक्का हुने, पार्टी र सरकारको काम प्रभावकारी हुने र पार्टी महाधिवेशनमा जानेतर्फ हाम्रो ध्यान केन्द्रति छ। ’ प्रवक्ता श्रेष्ठले भने।

मन्त्रिमण्डल पुनर्गठन र मुख्यमन्त्री हेरफेर जस्ता विषय बाहिर हल्ला भएपनि पर्टीभित्र यसबारे अहिलेसम्म छलफल नभएको प्रवक्ता श्रेष्ठको भनाइ छ । कार्यदलले प्रतिवेदन दिएपछि त्यसबाट आएको निष्कर्षका आधारमा अघि बढ्ने उनले बताए।

 

यसैबीच, सत्तारूढ नेकपाको सचिवालय बैठक सम्पन्न भएसँगै प्रमुख प्रतिपक्षी दल नेपाली कांग्रेसका सभापति शेरबहादुर देउवालाइ बालुवाटार बोलाइएको छ ।

अहिले प्रधानमन्त्री निवास बालुवाटारमा प्रधानमन्त्री केपी शर्मा ओली, नेकपाका अर्का अध्यक्ष पुष्पकमल दाहाल र कांग्रेसका सभापति  देउवाबीच छलफल भइरहेको छ । छलफलमा कांग्रेस केन्द्रीय सदस्य रमेश लेखक पनि सहभागी रहेको बताइएको छ ।

प्रधानमन्त्री ओलीले विभिन्न विषयमा छलफल गर्न बोलाएपछि सभापति देउवा बालुवाटार जानुभएको उनी निकट स्रोतले जनाएको छ । स्रोतका अनुसार संवैधानिक अंग तथा विश्वविद्यालयहरूमा रिक्त रहेका पदमा नियुक्तिलगायत समसामयिक विषयमा छलफल भइरहेको छ।

प्रतिकृया दिनुहोस्