Monday, March 8

तेस्रो पटक भेटियो दुर्लभ अनमोल रत्न

August 8, 2020 154

डोडोमा (एजेन्सी)

अफ्रिकी देश तान्जानियामा सानो लगानीको खानी उत्खननको काम गर्ने सानीनियु लाइजरले तेस्रो पटक विश्वका अनमोल रत्न हात पारेका छन् । उक्त दुर्लभ रत्न टान्जानाइटको वजन करिब १४ पाउन्ड छ । अन्तराष्ट्रिय बजारमा यसको कुल मुल्य करिब २० लाख डलर पर्छ ।

यसअघि यसबबर्ष जुन महिना पनि सानिनियुलाई ९ केजी र ५ केजीको टान्जानाइट प्राप्त भइसकेको छ । ती रत्न प्राप्त भएपछि सानिनियु करोडपति बनेका छन् । यसलाई तान्जानिया सरकारले ३४ लाख डलरमा किनेको थियो । अब तेस्रो पटक सानिनियुको भाग्यले उनलाई साथ दिएको छ र करि २० लाख डलरको नया टान्जानाइट प्राप्त भएको छ ।

टान्जानाइट गाढा निलो, बैजनी र कहिले काँही हरियो रंगको हुन्छ । यो रत्न हिराको तुलनामा १० गुणा बढी दुर्लभ हुन्छ । यो खनिजको प्रयोग आभुषण बनाउन प्रयोग गरिन्छ । सानिनियु यी दुर्लभ रत्न बढी पैसाका लागि तस्करी पनि गर्न सक्थे तर उनले सरकारलाई बेच्ने निर्णय गरेको छ । यसले उनको देशलाई पनि यसबाट मद्दत हुन्छ भन्ने उनको धारणा छ ।

टान्जानाइट उत्तरी तान्जानियामा पाइन्छ । सरकारले ती रत्नको संरक्षण गर्ने तान्जानियाको खानी मन्त्री डोटो बाइटले बताए । ती रत्न प्राप्त भएपछि अब लाइजर स्थानिय मुद्राका हिसाबले अर्बपति बनेका छन् ।
लाइजरले एक टेलिभिजन साक्षात्कारमा आफनो समुदायका लागि एक सपिंग मल र एक स्कुल खोल्ने योजना बनाइरहेको बताएका थिए ।

प्रतिकृया दिनुहोस्