Saturday, March 6

Breaking News>>महामारी विशेषज्ञ डा. फाउचीले तोके कोरोना ‘भ्याक्सीन’ आउने मिति

August 1, 2020 386

काठमाडौं । अमेरिकाका शीर्ष महामारी विहेषज्ञ डा. एन्थोनी फाउचीले शुक्रवार संसदमा यो वर्षको अन्तिम सम्ममा कोरोनाविरुद्धको भ्याक्सीन बजारमा आउने दाबी गरेका छन् । तर उनले सुरक्षित टिका प्राप्त गर्ने हो वा होइन भन्ने बारेमा भने कुनै ग्यारेन्टी नरहेको बताएका छन् ।

जनावरमा प्रयोग गरिएका १० औषधिमा देखिएको प्रभावका अनुसार फाउची भन्छन्, प्ररम्भिक ह्यूमन ट्रायलले हामीलाई आशावादी बनाएको छ, हामीसँग एक टिका छ, जो यो वर्षको अन्तिममा आउनेछ ।

उनले सन् २०२१ मा अन्य केहि टिका पनि बजारमा पाइने बताए ।

नेशनल इन्स्टीट्यूट फर एलर्जी एण्ड इन्फेक्शियस डीजिजका प्रमुख फाउची अमेरिकामा भईरहेका केहि प्रोजेक्टको बारेमा निगरानी गरिरहेका छन् ।

सबै प्रोजेक्ट्समा भ्याक्सीन चाँडै आउने गरि काम भईरहेको उनले बताएका छन् । मोडर्ना कम्पनीले भने आफ्नो औषधि ट्रायलको तेश्रो चरणमा पुगेको बताएको छ । अब ३० हजार मानिसमा यसको परीक्षण गरिँदै छ ।

कोरोना भाइरसका कारण अहिलेसम्म विश्वमा ६ लाख ८३ हजार २७८ जनाको मृत्यु भईसकेको छ भने १ करोड ७७ लाख ७१ हजार ६३४ जनालाई संक्रमण भएको छ । त्यस्तै १ करोड ११ लाख ६८ हजार ४११ जना कोरोना संक्रमण मुक्त भएका छन् भने ६५ हजार ५९५ जनाको स्वास्थ्य अवस्था गम्भीर रहेको छ ।

प्रतिकृया दिनुहोस्