अबदेखि टिकटक भिडियो बनाएर पैसा कमाउन सकिने , आयो यस्तो नयाँ फिचर

काठमाडौं १२ साउन /  छोटोे  समयमै सर्वाधिक लोकप्रिय बनेको चिनियाँ भिडियो एप टिकटकले नयाँ फिचर लञ्च गर्न लागेको खबर विभिन्न सञ्चारमाध्यममा सार्वजनिक भएको छ ।

यसअघि लाइभ भिडियोमा गिफ्ट खरिद गरेर पठाउँदा पैसा प्राप्त हुन्थ्यो भने अबचाहि भिडियो बनाएरै पैसा प्राप्त गर्न सकिने फिचर आउन लागेको हो ।

सबैभन्दा धेरै प्रयोगकर्ता रहेको देश भारतले टिकटक प्रतिबन्ध गरेसँगै टिकटकले नयाँ फिचर ल्याउन लागेको अनुमान लगाउन सकिन्छ  ।

टिकटकले  नयाँ प्रयोगकर्तालाई लक्षित गर्दै यस्तो सुविधाको घोषणा गरेको हो । बिहीबार एक विज्ञप्ति जारी गर्दै कम्पनीले आफ्नो नयाँ घोषणाको लागि करिब २४ अर्ब रुपैयाँ(२० करोड डलर)को कोष बनाउन लागेको जनाएको हो ।