Tuesday, January 26

लकडाउनलाई मध्येनजर गर्दै यामाहाले ल्यायो सस्तो मूल्यमा बिशेष अफरका साथ १५० सिसीको SZR150 (मूल्य सहित)

July 13, 2020 411

यामाहा मोटोकोर्पको १५० सिसि सेग्मेन्टमा सबै भन्दा सस्तो मोटरसाइकल एसजेड आरआर १५० सीसी नेपालमा पनि बिक्री हुदै आएको छ । नेपालका लागी आधिकारिक वितरक एमएडब्ल्युले एसजेड आरआर १५० सीसी खरिद गर्नेलाई विभिन्न अफर पनि ल्याएको छ । हाल यसको बजार मूल्य २ लाख ३५ हजार ९०० रुपैयाँ रहेको छ ।

कोरोना संक्रमण पछीको अवस्थालाई मध्यनजर गर्दै कम्पनिले विभिन्न फरक स्किम ल्याएको छ । अफर अनुसार एसजेड आरआर १५० शून्य प्रतिशत डाउन पेमेन्टमा किन्न सकिने छ । यस स्कीममा ग्राहकले ३ बर्षको किस्तामा मोटरसाइकल किन्न सकिने छ । यस योजनामा ग्राहकले ८ हजार ४११ रुपैयाँ मासिक किस्ता तिर्नु पर्ने हुन्छ । तर यसको लागि ग्राहक स्थानीय वासिन्दाअभाने हुनु पर्ने छ ।

त्यस्तै १० प्रतिशत डाउन पेमेन्ट गरेर पनि मोटरसाइकल किन्न सकिनेछ । तर स्थानीय बासिन्दाले मात्र १० प्रतिशत डाउन पेमेन्ट गर्न सक्नेछन् । यस स्किम अन्तर्गत पहिलो १२ किस्ता ८ हजार ८८० र बाँकी २४ किस्ता ६ हजार ७२८ रुपैयाँ का दरले ३६ महिनामा किस्ता तिर्नु पर्छ ।

त्यसैगरी अर्को २५ प्रतिशत डाउन पेमेन्ट गरेर पनि यो मोटरसाइकल किन्न सकिने छ। तर यस स्किममा भने अस्थाई बासिन्दाले पनि सजेड आरआर १५० खरिद गर्न सक्ने छन । २५ प्रतिशत डाउन पेमेन्ट गर्नेले ७ हजार १९४ रुपैयाँ मासिक किस्ता ३० महिना तिर्नु पर्नेछ ।

प्रतिकृया दिनुहोस्